40 liet ot tragedije samoleta JAT-367

Details

Kategorija: KULTURA - RELIGIJA - HISTORIJA

Datum: Petek, 27 Januar 2012 20:45

Čitanja: 10813

26-ego Januara je bylo 40 liet ot tragedije samoleta byvših jugoslavenskih aerolininej JAT-367 letjučego iz Stockholma do Beograda. Samolet je explodiral v vysotie 10km nad niemecsko - češskoj granicej i jego ostatky sut padli nedaleko sela Srbská Kamenice v severnej Čehiji. V tragediji je umrelo 27 ljudij i jedin človiek je čudiesno ostal živy. (верзија чланка в кыриллици јест доле под текстом)

Človiek, ktory je jediny prežil, je byla stewardica Vesna Vulović. Ona d'rži svietovy rekord v prežitiji padanija iz vysoty bez parašuta: 10.160m (33.330ft) i imaje o tom zapis v Guinessovej knigie rekordov.

Oficijalne izpytanije incidenta je v 1972 proglasilo, že samolet je explodiral po pričinije terorističskego bombovego ataka ot H'rvatskih nacijonalistov - potomkov fašističskih Ustašovcev iz 2-ej svietovej vojny, ktori sut se k ataku priglasili anonymnim telefonatom. Tuta gruppa je operirala v Šveciji i jednu godinu pred tutoj tragedijej samoleta je atakovala jugoslovensku ambasadu i dielala atentat na zastupitelja Vladimira Rolovića.

V 2009 se je objavila ještie jedna verzija tragedije ot žurnalistov niemecskej agentury ARD. Oni dokazavajut, že samolet je slučajno atakovala i razstrelila českoslovacka protivazdušna zaštita. Tuta nova konspiračna teorija predpokladaje falzifikiranije černih boxov i drugih ostatkov samoleta tajnoj kommunističnoj policijej iz Jugoslavije i Českoslovakije.

V lesu nedalego Srbskej Kamenice dnes stoji maly pametnik, iže vsim pripominaje tragediju mnogo podobnu tragediji samoleta nad Lockerbee.

40 лӗт от трагедије самолета

26-его Јануара је было 40 лӗт от трагедије самолета бывших югославенских аеролининеј ЈАТ-367 летьчего из Штокхолма до Београда. Самолет је експлодирал в высотӗ 10км над нӗмецско - чешској границеј и јего остаткы сут падли недалеко села Србска Каменице в севернеј Чехији. В трагедији је умрело 27 людиј и једин чловӗк је чудӗсно остал живы.

Чловӗк, кторы је једины прежил, је была стевардица Весна Вуловић. Она държи свӗтовы рекорд в прежитији паданија из высоты без парашута: 10.160м (33.330ft) и имаје о том запис в Гуинессовеј книгӗ рекордов.

Официјалне изпытаније инцидента је в 1972 прогласило, же самолет је експлодирал по причиније терористичскего бомбовего атака от Хърватских нацијоналистов - потомков фашистичских Усташовцев из 2-еј свӗтовеј војны, ктори сут се к атаку пригласили анонымним телефонатом. Тута группа је оперирала в Швецији и једну годину пред тутој трагедијеј самолета је атаковала югословенску амбасаду и дӗлала атентат на заступителја Владимира Роловића.

В 2009 се је објавила јештӗ једна верзија трагедије от журналистов нӗмецскеј агентуры АРД. Они доказавают, же самолет је случајно атаковала и разстрелила ческословацка противаздушна заштита. Тута нова конспирачна теорија предпокладаје фалзификираније черних боксов и других остатков самолета тајној коммунистичној полицијеј из Югославије и Ческословакије.

В лесу недалего Србскеј Каменице днес стоји малы паметник, иже всим припоминаје трагедию много подобну трагедији самолета над Локерби.

iztočnik: http://sk.wikipedia.org/wiki/Let_JAT_367
i jego drugi jezyčni verzije (CZ, DE, EN, HR, S, SRB).

(ns)