Ceremonijalne zasědanije prezidija ČMSS v Pragě
- Details
- Kategorija: KULTURA - RELIGIJA - HISTORIJA
- Datum: Nedělja, 17 November 2013 19:19
- Autor: aVM
- Čitanja: 6909
Dne 12. Novembra 2013 je bylo v Pragě ceremonijalne zasědanije prezidija Češsko-Moravskego Slověnskego Soveza, ktory jest členom medžunarodnego Vseslověnskego Sobora. Zasědanije je bylo v prostoru historičnego Valdštejnskego palaca kako oficijalna akcija organizirana Senatom Parlamenta Češskej Republiky pod zaštitoj jego městoprědsedatela gospoda senatora Zdeňka Škromacha.
V 17-om stoletiji je byla Beč (Wien = Vienna, stoličny grad Austrijskej monarhije) pod težkim obleženijem turečskej armije. Prěd 330 lětama v den 11-ego Septembra 1683 je načala velika bitva sojedinjenej armije Polsky, Austrije i Germanije pod komandovanijem polskego krala Jana III. Sobieskego, ktora grad osvobodila i pobědila turečsku armiju. Tuta bitva je byla počatkom dlgego osvobodivanija srednej i južnovazhodnej Europy ot islamskej okupacije. Bečski pekari na pamět tutej bitvy sotvorili nove pečivo v tvaru islamskego symbola meseca, ktore dodnes nazyvajeme rožky ili croissanty i jademe jih kako normalne pečivo ili kako male sladkosti.
