NAUKA - TEHNIKA

Podnapisy v jeziku medžuslovjanskim v YouTube - pomoži nam!

Details: Kategorija: NAUKA - TEHNIKA; Datum: Srěda, 17 Maj 2017 09:24; Autor: Grzegorz Krolikowski; Čitanja: 7058

Na YouTube, najvelikšej světovoj internetovoj strånici s videjami, možlivo jest dodavati podnapisy v 168 językah, hotj ne vse sųt mnogo popularne. Tam sųt dostųpne navet Volapük, Interlingue ili Klingon, naučne języki iže imajųt 30-40 govornikov na cělom světě.

Jednočasno, Medžuslovjanski, ktory jest polu-naučnym językom, råzviva sę mnogo bystro: sųt uže råzlične videja ob medžuslovjanskom języku, grupy na Facebooku s vyše 1040 členovami, forum, tekstove, knigi, internetove strånice, členki, nastųpajųća medžunarodna i medžuslovjanska konferencija (CISLA 2017) i film(češski "Nabarvené ptáče"), hotj moderny medžuslovjanski języčny projekt jest velje mlådy - byl urędženy v lětah 2006-2010.
Pomimo togo, tutdenj na YouTube nemaje možnosti legkogo prěvodženja videj na medžuslovjanski - ni v latinici ni v kirilici - i učinjenja ih vyše råzumlivymi najvelikšej etno-języčnoj evropskoj grupě.

Ta běda potrěbuje byti rěšena - prosime tebe - pomoži nam!

Podpište peticiju:

https://www.change.org/p/youtube-com-interslavic-language-subtitles-available-on-youtube?recruiter=155469560&utm_source=share_petition&utm_medium=copylink&utm_campaign=share_petition

Dekujemo !

«New Horizons» poslal poslědny bit danyh o Plutoně

Details: Kategorija: NAUKA - TEHNIKA; Datum: Poneděljek, 31 Oktober 2016 15:01; Autor: Vladimir Osipov; Čitanja: 8865

NASA jest povědala, že New Horizons končil odpravų danyh o Plutoně, sobranyh lětom 2015 roka. V sumě aparat poslal vyše 6 GB danyh, čto vzęlo vyše 15 měsęcev. Naučnikam bųde trěba råzbrati vyše 400 oględań, izdělanyh naučnymi orųdjami sondy.

New Horizons stvarjil bliženje s Plutonom 14 julija 2015 roka — aparat približil sę do karlikovoj planety na 12.5 tysęć kilometrov. Tym časom sonda sobrala ogromnų kolikosť danyh, upotrěbivši vsi svoje naučne orųdja. Za to že bystrosť obměna informacijejų dlja takih udaljenostij jest toliko nemnogo vyše 1 kB/sek, odprava polnogo objema danyh by zajmala vyše roka.

Poslědnymi na Zemjų sųt došli dany infračrveno oględanja Plutona i Harona, sobrane orųdjem LEISA — se slučilo sę 25 oktobra 09:48 UTC. Informacija byla prijęta s pomoćjų jednoj iz anten dalekogo kosmičnogo svęzja v Kanberě, Avstralija.

Čitati plny text: «New Horizons» poslal poslědny...

Polsko-Slovianski slovnik – razširena versjia

Details: Kategorija: NAUKA - TEHNIKA; Datum: Nedělja, 30 Oktober 2016 10:44; Autor: Grzegorz Krolikowski; Čitanja: 8468

Polsko-Slovianski slovnik – razširena versjia

Dla vsih koristnikov Slovianskego, kotori prohodjut s Polski predstaviamo novu versiju slovnika Polsko-Slovianskego. Je on razširenu versiju slovnika uže prezentiranego prez stranicu izviestija v 2012 gode. Novi dokument ima 97 stranic v razmere B5 i około 7 tyseči slov. Každe slovo Slovianskego ima oznaki (3x, 4/5x, 6x), kotori informujut v koliku jazikov slovianskich to slovo bude zrazumene. Dodatkovo, označene sut izključenja v skobkah (zavorkah) – na primer 3x (blg, rus, ukr) – bude označati čo slovo ne bude zrazumene v bułgarskim, ruskim i ukrainskim jeziku.

Pliki PDF i ODT (Open Document Format) možete stegnuti s tudy:

ODT http://www.krolikow.cba.pl/zasoby/slownik%20versja%2023.10.2016%20final%20-%20b5.odt

PDF http://www.krolikow.cba.pl/zasoby/slownik%20versja%2023.10.2016%20final%20-%20b5.pdf

Možete bolšo rozširati toj dokument i podarovati go innym.

Najdeno město padenja «Schiaparelli»

Details: Kategorija: NAUKA - TEHNIKA; Datum: Nedělja, 23 Oktober 2016 13:20; Autor: Vladimir Osipov; Čitanja: 7820

Evropejska kosmična agencija jest opublikovala foto maza, ktory pojavjil sę na městě padenja prizemjanogo aparata «Schiaparelli». Sųglåsno ekspertam, aparat učinil padenje od vyšiny 2-4 kilometra i stolkl sę s Marsom s bystrostjų vyše 300 kilometrov v časinų. Možlivo, že v moment padenja aparat izbuhnųl sę, za to že jego palivny banki byli polnymi. Na to ukazyvaje veliki råzměr města avarije.

Foto bylo sdělano kosmičnojų sondojų Mars Reconnaissance Orbiter (MRO). Eksperty misije sųt sråvnili medžu sobojų dva foto, sdělanyh do i poslě padenja aparata, i sųt najšli dva detalja krajovida. Jedin iz nih — temny maz s veličinojų 15x40 metrov (možlivo, že se jest udarny krater od aparata), drugi — jasny maz, ktory može byti parašutom «Schiaparelli». Udaljenosť medžu objektami jest okolo 1 km.

Čitati plny text: Najdeno město padenja...