Generovanije reči iz texta
- Details
- Kategorija: NAUKA - TEHNIKA
- Datum: Poneděljek, 29 August 2011 20:44
- Čitanja: 11796
V ovem članke jest popisanije tehnologije generovanija zvukovej reči iz texta v novoslovienskem jazyke, iže rabotaje na adrese (http://generator.neoslavonic.org).
Dnes imajeme mnogo različnij softwarovih instrumentov za generovanije ljudskej reči na komputerah. Google na svojih stranicah (http://translate.google.com/#cs|pl) davaje možnost čitanija napisanej reči. Instrumentom ovej konverzije iz pisanego texta do zvuka jest do Google integriranij software eSPEAK - open source synthezator reči.
Vtorij interesnij i takože bezplatnij software jest MBROLA, iže jest mnogojezyčnij syntezator rabotajučij na principie mixovanija fonemov iz živej ljudskej reči. Naprimier jako li kombinujeme sekvenciju englijskih fonetičnih znakov s zapisom živih fonemov ot niemeckego človieka, možeme generovati englijsku reč s niemeckim akcentom.
Mnogo interesne jest, že eSPEAK možeme s MBROLA kombinirati. Prostij eSPEAK bez pomoči MBROLA generuje neživij syntetičnij komputerovij glas podobnij glasu robota, no jako li koristime sSpeak samo za produkciju fonemov (s informacijej o frekvenciji, strukture, akcentah i vremeni), možeme ovi fonemy v'ložiti do MBROLA i miešati jih s niejakim fajlom imajučim zvuk ot živego človieka.
S pomočij ovih instrumentov jest možne generovati zvuk medžuslovienskego jezyka. No ni eSPEAK ni MBROLA znaje novoslovienske pravopisanije. Po ovej pričinie bylo treba izgotoviti software (v skriptujučim jezyku PYTHON), iže znaje konverziju iz našego latinskego i kyrillskego pravopisanija do IPA (medžunarodnej fonetičskej abecedy). Ovo jest princip generatora novoslovienskego jezyka, iže rabotaje na adrese (http://generator.neoslavonic.org). Kompletnij proces generovanija zvukovej reči jest:
- pisanij text v našem pravopisaniji -> specialnij software -> sekvencija IPA znakov
- sekvencija IPA znakov + parametry intonacije –> eSPEAK -> sekvencija fonemov
- sekvencija fonemov + fajl s živim jezykom -> MBROLA -> fajl s zvukom
Iztočniky
- kodovanije IPA črez prostij kod ASCII, http://www.blahedo.org/ascii-ipa.html, http://en.wikipedia.org/wiki/International_Phonetic_Alphabet
- eSPEAK projekt - open source synthezator reči, http://espeak.sourceforge.net/
- MBROLA projekt - bezplatnij mnogojezyčnij syntezator, http://www.tcts.fpms.ac.be/synthesis/mbrola/
(ns)
