Ukrajina je jedna iz najgorših ekonomik světa, råztraćajųć ogromný potencial
- Details
- Kategorija: POLITIKA - EKONOMIJA
- Datum: Vtorek, 02 August 2011 07:00
- Čitanja: 4888
Danil Fišer, redaktor sòjediňenoštatnògo finansovo-ekonomičnògo žurnala Forbs, napisal na svojèm blogě, že Ukrajina, Madagaskar, Jamajka, Gvineja, Venezuela, Kirgizstan, Svazilend, Nikaragua i Iran sųt najgoršé ekonomiki světa. Množinstvo tyh krajev tu je takože v dolnòm četvŕtě s`pisa krajev sòglåsno indeksu vòzprijaťja podkupa Transperensi Internešnl. Ukrajina je stotridesętčetvŕtá iz stosedmdsęťosm krajev.
Ukrajina ima plodnų zemjų i velikó mineralnó bogatstvo i ona mogla by statì vođųćèjų eùropejskòjų ekonomikòjų. Ale grubý nacionalný produkt na glåvų naseľeňja (tritysęć četyristo osmdsęť tri dolarov) vlėče sę daleko daže za krajami kak Sŕbija i Bòlgarija. Komplikované zakony i pravila, lošé korporativnó upravjeňje, slabá izkonavamosť dogovornògo prava prėd sųdami, i osoblivo podkup sųt faktory, kotoré otęgčajųt ekonomičný potencial Ukrajiny.
Vlådné činovniki kažųt, že ekonomika Ukrajiny uže odskočila od dna i ona bųde råstì o pęť procentov v tòm godě tu, poslě s`nižeňja o pętnadsęť procentov pri krizě v dvatysęčdevętòm godě. Ale eksperty kažųt, že bogatstvo v kraju je sųsrėđenó v rųkah malòj s`kupščiny oligarhov. Čo vyše, dvųcifrená inflacija uže drugim godòm izsysa kišeni bědnyh gråđanov. Podkup i paralizujųćá bjurokracija otęgča konkurencijų, malé firmy i toľko potrebné investiciji. Sòglåsno Transperensi Internešnl, podkup råzšiřa sę v ekonomičnó råzvivaňje; gde vlåda ne funkcionuje, ekonomika ne funkcionuje takože.
(sl+)
