Palestinsky poslanec je umrel poslě explozije v novem domu ambasady

Details

Kategorija: POLITIKA - EKONOMIJA

Datum: Petek, 03 Januar 2014 20:19

Čitanja: 6291

Praga, Čehija. Palestinsky poslanec/ambassador Džamal Muhammad Džamal je umrel 1.1.2014 posle explozije sejfa v novem domu palestinskej ambasady v Pragě-Suchdole (Suchdol = suha dolina). [1] Jego doč Rana govori o atentatu na svojego otca i podoziraje Izrael ili češsku firmu, ktora je prěvozila věči iz starego doma ambasady do novego doma. [2] Češska policija nesoglasi i govori, že to atentat ne byl, i na bazě naidenego dokazanija govori o manipulaciji s izbuhlivimi materijalami. 

Češska policija takože izsleduje problem bolšej kolikosti municije i oružijej, ktore se nahodili v domu. Govori se o 70 automatičnih puškah i možnosti, že drugi oružija možut byti ješte v starem domu ambasady v Pragě-Troja. [3,4] Palestinci sut hotěli tute oružija prěd češskoj policijej ukryti kako diplomatičnu poštu.

Ljudi v Pragě-Suchdolu novu ambasadu nehočut, i pišut peticiju [5]. Činovniki iz městnego kmetstva Pragy-Suchdola na svojej oblasti palestinsku ambasadu ne hočut i prošut o policijny dozor. [6]

Praga-Suchol je pokojna čast na kraju Pragy nedaleko ot letište, kdě několiko metrov od prostora ambasady jest lěkarna, ordinacija městnego doktora, městne kmetske činovnictvo Pragy-Suchdola, pošta i jasle/škola za děti v věku 3-6 lět. Palestinsku ambasadu je dogovorila češska vlada hoče fakta, že Češska Republika ne imaje svoju ambasadu na teritoriji Palestiny.

[1] Policejny govorca kaže o exploziji v žilišti palestinskego poslanca.
[2] Otca někto ubil, govori doč palestinskego poslanca.
[3] Imajut Palestinci oružija ješte v Troji? Policejna prověrka by značila skandal.
[4] Smrt poslanca ne byla atentatom, no policija razrěšaje nezakonne voruživanije
[5] Peticija za otrěknutije diplomatičneho poselstva tak nazyvajemego stata Palestina
[6] Suchdol poslě explozije prosi bolše dozora i prěměstjěnije palestinskoj ambasady

(ns)