Kurz E.U., Praga 2012 - Курс Е.С., Прага 2012

Details: Kategorija: RAZLIČNE; Datum: Subota, 03 December 2011 22:08; Čitanja: 10784

Noviny IZVIESTIJA.info sut dobyli podd'rženije ot Europskej Unije (Europskego S'veza) do g. 2012. Letom može v Prage byti kurz na temu "Implementacija Weba za standardizaciju, flavorizaciju, učenije i kommunikaciju v zonalnem jezyke".

Новины ИЗВѢСТИЈА (IZVIESTIJA.info) сут добыли поддърженије от Еуропскеј Уније (Еуропскего Съвеза) до г. 2012. Летом може в Праге быти курз на тему "Имплементација Веба за стандардизацију, флаворизацију, ученије и коммуникацију в зоналнем језыке".

Zonalny jezyk tutego projekta jest medžusloviensky jezyk našego projekta Interslavic. V kurze budut učastniki sebe učiti kommunikaciju v medžuslovienskem jezyku, budut se učiti rabotu s systemom Joomla!. Vsjaky učastnik bude dielati svoj originalny projekt na niejaku temu istorije, kultury, tehnologije, religije, politiky svojego naroda i bude jego prezentirati drugim učastnikam na webovem servere.

Sekcija E.U. Grundtvig davaje učastnikom kurza dotaciju na putovanije iz doma do Pragy i povratno, na preživanije i na platienije školy. Samo jest važne, že učastnikom treba bystro kontaktirati agencije E.U. v jih domačnih krajinah, zatože organizacija dotacije ide črez krajinu učastnika i ne črez Pragu. My v Prage dotaciju Vam ne davajeme. Dotaciju Vam davaje Vaša domača krajina.

Зоналны језык тутего пројекта јест меджусловѣнскы језык нашего пројекта Interslavic. В курзе будут участники себе учити коммуникацију в меджусловѣнскем језыку, будут се учити работу с сыстемом Joomla!. Всјакы участник буде діелати свој оригиналны пројект на ніејаку тему историје, културы, технологије, религије, политикы својего народа и буде јего презентирати другим участникам на вебовем сервере.

Секција Е.У. Грундтвиг даваје участником курза дотацију на путованије из дома до Прагы и повратно, на преживаније и на платѣније школы. Само јест важне, же участником треба быстро контактирати агенције Е.У. в јих домачних крајинах, затоже организација дотације иде чрез крајину участника и не чрез Прагу. Мы в Праге дотацију Вам не давајеме. Дотацију Вам даваје Ваша домача крајина.

jako pytati učastije

1) Učastnik iskaje agenciju EU na meždunarodni učebni programy Erasmus-Grundtvig v svojej krajinie i pytaje ot njih formular. (Možno pozreti tu, no podobni agencije sut ješte v drugih gradah i takože krajinah mimo E.U. jako napr. Srbija, Ukrajina ili Russija: http://ec.europa.eu/education/lifelong-learning-programme/doc1208_en.htm, treba jest pytati: Grundtvig, Erasmus, Tempus.)

2) Učastnikom treba ot nas dostati pisemne potv'rdienije (acceptation letter). Napište nam na e-mail Vaše lične informacije (p'lne ime, domačnij addres, den rodienija, čislo pasporta) i my Vam budeme posylati potv'rdienije.

3) Učastnik napiše pytanije do formulara i bude jego posylati v'kupie s potv'rdienijem ot nas do svojej agencije tako, jako jego domača agencija hoče.

Projekt jest iz Brusela registrirany i otvoreny. No jest finančna kriza i imajeme zlij opyt iz prošlih let, kogda učastniki ne sut dostavali dotacije ot svojih narodnih agencijej. Prosime Vas, ne čakajte i dielajte svoju registraciju u Vašej domačej agentury jako li možete bystro. Razumijte, že politika razdieliranija dotacij otvisi ot situacije i čisla pytajučih učastnikov v narodnih agencijah. Problema ne jest v Brusele, no može byti v činovnikah Vašej narodnej agencije. Ubo Vam bude jih treba ubiediti, da by oni dali dotaciju Vam. Prednost bude imati učastnik, iže je prišel p'rvy i znaje dobro argumentirati, zašto hoče svoj projekt.

јако пытати участије

1) Участник искаје агенцију ЕУ на международни учебни програмы Ерасмус-Грундтвиг в својеј крајинѣ и пытаје от њих формулар. (Можно позрети ту, но подобни агенције сут јеште в других градах и такоже крајинах мимо Е.У. јако напр. Србија, Украјина или Руссија: http://ec.europa.eu/education/lifelong-learning-programme/doc1208_en.htm, треба јест пытати: Grundtvig, Erasmus, Tempus.)

2) Участником треба от нас достати писемне потвърдѣније (acceptation letter). Напиште нам на е-маил Ваше личне информације (пълне име, домачниј аддрес, ден родѣнија, число паспорта) и мы Вам будеме посылати потвърдѣније.

3) Участник напише пытаније до формулара и буде јего посылати въкупѣ с потвърдѣнијем от нас до својеј агенције тако, јако јего домача агенција хоче.

Пројект јест из Брусела регистрираны и отворены. Но јест финанчна криза и имајеме злиј опыт из прошлих лет, когда участники не сут доставали дотације от својих народних агенцијеј. Просиме Вас, не чакајте и дѣлајте своју регистрацију у Вашеј домачеј агентуры јако ли можете быстро. Разумијте, же политика раздіелиранија дотациј отвиси от ситуације и числа пытајучих участников в народних агенцијах. Проблема не јест в Бруселе, но може быти в чиновниках Вашеј народнеј агенције. Убо Вам буде јих треба убѣдити, да бы они дали дотацију Вам. Предност буде имати участник, иже је пришел първы и знаје добро аргументирати, зашто хоче свој пројект.