Projekt seběpomočnogo mikrofinacirovanija

Details

Kategorija: RAZLIČNE

Datum: Poneděljek, 19 Januar 2015 14:17

Autor: redakcija

Čitanja: 8611

Uvažimi prijateli, imajeme ideju do koristjenija slověnskogo medžujezyka. Jedin iz realnih izraženijej slověnskogo jedinstva jest pomoč bědnim, ktora ide črez granice medžu našimi slověnskimi narodami.

Hočeme praktično dokazati, že publične rezultaty našej raboty ne sut toliko propagacija naših ličnih pozicijej i ideologično-političskih mněnijej.

Ideja mikrofinanciranija pomagaje ljudim v težkih životnih situacijah takože v tako bědnih krajinah, kako jest Bangladeš, otkudu tuta ideja izhodi.

Pokazyvajme slověnske jedinstvo pomočju praktičnoj informačnoj služby na naših webovih stranicah v medžuslověnskom jezyku, ktora medžu seboju sovezuje darujučih i darovanih, da by darujuči mogli viděti vplyvy svojej pomoči.

Darujuči budut možti sebě izbrati, komu darovati, i budut viděti, že jih darovanija ne budut nedobro koristjeni ili se ne kumulujut, i takože budut viděti, kako darovani idut iz svojih problemov. Poddrženije seběpomočnogo mikrofinacirovanija može realizirati viziju slovenskogo jedinstva, bo hočeme pomagati konkretnim ljudim iz slovenskogo světa.

Ne hočeme nikake provizije za naše služby. Informačna služba bude obsluživana bezplatno. Jej finansove prihody budut toliko iz dobrovolnih darov i dobytih grantov.


Prosime, imajete li interest do soraboty,
kontaktujte nas e-mailom: This email address is being protected from spambots. You need JavaScript enabled to view it.

Проɪект себѣпомочного микрофинацированиɪа

Уважими приɪатели,

имаɪеме идею до користьениɪа словѣнского меджуɪезыка. Іедин из реалних изражениɪей словѣнского ɪединства ɪест помоч бѣдним, ктора иде чрез границе меджу нашими словѣнскими народами. 

Хочеме практично доказати, же публичне резултаты нашей работы не сут толико пропагациɪа наших личних позициɪей и идеологично-политичских мнѣниɪей.

Идеɪа микрофинанцираниɪа помагаɪе людим в тежких животних ситуациɪах такоже в тако бѣдних краɪинах, како ɪест Бангладеш, откуду тута идеɪа изходи.

Показывайме словѣнске ɪединство помочю практичной информачной службы на наших вебових страницах в меджусловѣнском ɪезыку, ктора меджу себою совезуɪе даруючих и дарованих, да бы даруючи могли видѣти вплывы своɪей помочи.

Даруючи будут можти себѣ избрати, кому даровати, и будут видѣти, же ɪих дарованиɪа не будут недобро користьени или се не кумулуют, и такоже будут видѣти, како даровани идут из своɪих проблемов. Поддържениɪе себѣпомочного микрофинацированиɪа може реализирати визию словенского ɪединства, бо хочеме помагати конкретним людим из словенского свѣта.

Не хочеме никаке провизиɪе за наше службы. Информачна служба буде обслуживана безплатно. Іей финансове приходы будут толико из доброволних даров и добытих грантов.

Просиме, имаɪете ли интерест до соработы,
контактуйте нас е-маилом: This email address is being protected from spambots. You need JavaScript enabled to view it.

(NS)

European Commission - Public contracts and funding
http://ec.europa.eu/contracts_grants/microfinance_en.htm


Mikrofinancování ide do Češskoj Republiky
http://www.ceske-socialni-podnikani.cz/cz/clanky/783-mikrofinancovani-prichazi-do-ceske-republiky

Wikipedia - Mikrofinancirovanije
http://en.wikipedia.org/wiki/Microfinance