EUROPEADA 2012

Details

Kategorija: SPORT

Datum: Četvrtek, 12 Januar 2012 19:37

Čitanja: 6689

Drugij Evropskij futbalovij čempionat avtohtonih narodnih menšin.

Paralerno s futbalovim čempionatem UEFA-EURO 2012, ktorij bude v Polske i Ukrajinie, medžu dnami 16-24. junija 2012 bude futbalovij čempionat pro avtohtone narodne menšiny. Miestom kdie čempionat bude igranij jest Lužicka S'rbija v Niemecskej republike.

Organizatorom čempionata EUROPEADA 2012 sut Federalna Unija Evropskih Narodov (FUEN) i Domowina- organizacija Lužickih S'rbov.

Posle zav'ršenija p'rvego futbalovego čempionata v 2008 g. organizovanego v Rhaeto-Romansh, Graubunden, Švycarija, Lužicki S'rbi sut uspiešno priglasili sebe v izbory i potom izgrali možlivostj organizovanija budučego čempionata.

Europeada 2012 jest organizovana s podd'ržanijem p'rvego ministra Niemecskej d'ržavy Saksonija, Stanislawa Tilliha, ktorij jest takože Lužickim S'rbom.

Dvadeset futbalovih družstev iz trinadeset Evropskih d'ržav bude mieriti svoje sily, da by izigralo p'rve miesto i titul EUROPEADA 2012. Medžu njimi sut sportivni družstva iz malih narodov, naprimier Kimbrijanci, no takože družstva iz večih narodov, naprimier Okcitanci iz Francije. Učestvovati budut narodni menšiny, ktori imajut svoju narodnu d'ržavu, no takože menšiny bez narodnej d'ržavy.

Europeada  2012 jest organizovana na osnovie širokego regionalnego podd'ržanija. Domačni s'vezy, futbalovi i sportivni kluby, gradski domy, medija, političari i drugi partneri podd'rživajut čempionat iz vsih svojih sil. Jih dobrovolnicska rabota jest ključem k uspiešnemu čempionatu.
 
Europeada 2012, jako sportivne s'branije i s'diejanije pomagaje objasniti ljudim kulturnij i jazykovij prinos narodnih menšin i   jih regionalnih jazykov v evropske kulturne  bogatstvo, v jazykovu različnost i takože v neobyčajnij harakter evropskih regionov.
 
My očekovame prijezd sportivnih podd'ržnikov i drugih ljudij iz vsih časti Evropy. Sport, stretenije i s'branije različnih ljudij, družba medžu njimi, to vse udiela iz Lužicskej Europeady 2012 ne zabudne izkušenije na cele žitije.

http://wf-verband.de/EUROPEADA2012/

http://europeada2012.sorben.com/

{gitube vid:=bcNDjLRBYNw&feature=related}

{gitube vid:=xzw2o_zP4xc&feature=related}

(NS)