Transformice

Details

Kategorija: ZASMĚŠKY

Datum: Subota, 17 December 2011 01:02

Čitanja: 7006

Spolurabotati ili kašľati na vse? Budovati ili ničiti? Pomagati ili dělati vsě, da ne by nikto inij negže vy byl prvyj v děrě? Jedin za vsi i vsi za jednogo ili každy samy za sebe? Ove je napętosť, koje žene igru Transformice, kdě jeste malojų myšejų jejže ceľem je sę dopraviti bezopasno k syru i dovesti go nazad do děry. No to vsjako ne je take legke, jako se može zdati! V dragě prěd vami sųt razni napasti, prěkažky i glavno – ostatni ľudi. I možų vam skazati, že to vsě dogromady je totalny, i čęsto zabavny chaos – vitajte v světě Transformice!

Čo je to Transformice?

Transformice je flashova igra vytvorěna v lětě roku 2010 dvěma čelověkama, iz ktoru je jedin znajemy na internetě jako Tigrounette i druga (da, je to děva!) imaje prězvisko Melibellule. Tigrounette je programatorom i Melibellule graficoj igry. One imajeta za naslědok vytvorěnije igry i jej komunity, do ktore je zaregistrovano izgruba 7 000 000 ľudij iz različnih krajin světa, iz čegože denně igraje črez 30 000 koristnikov. I jej popularita dalěje raste neuvěritelnym tempom.

Jako je uže bylo skazano vyše, jeste mala myš, ktora se snaži dostati syr i dovesti go nazad do vašego ceľa – děry. Na bolšosti map vam v ovom bude braniti velika jama, koju je nemožno prěskočiti, negativna gravitacija, užasny šaman, i različni napasti i nastragy tvorca mapy. Nu, jako jeste mogli pohytiti, govoril jesm o šamanu. Na mapah, kdě je nemožne sę dostati normalnojų dragojų k ceľu, je često k dispoziciji na pomoč šaman. Šaman imaje za uděl pomožti myšam k tomu, da by se dostaly bezopasno, i jestli možno, takože bystro, k syru. Disponuje raznymi magičnymi sposobnostimi jako budovanje dosek, krabic, kotev, balonov, iz čego vsěgo može vybudovati konstrukcije jako mosty, věže, vytęgy, lodě, itd, no uvažte! Občas (i někogdy pričęsto) možete naraziti na zlego šamana, koji si ne želaje, da by nějaka myš imala syr, zato vam bude braniti v jego iskaniju! Taki i jim podobni ľudi sųt v světě Transformice nazyvani trolli.

Samotna igra

Pro jej spustěnije ne trebujete ničego inego negže vaš internetovy obgledač i GROMADU vrěmęne. Věřte či ne, na prvy raz jesm igral okolo pęti časin, negže jesm treboval spati! Cěla igra je zadarmo, čo je vtore plus!

Po spustěniju igry vas uvitaje uvodna obrazovka, kdě ne je treba nič vyplňovati ili se někdě registrovati. Prosto možete nehati vse nevyplněne i bystro igrajete. No, treba vas upozorniti, ne budete možti igrati na plno. Ne budete možti chatovati s ostatnimi igračami, imati svoj profil i vylěpšovati si go. To vsě ne možete jako gost bez registracije...Prosto budete označeni obyčajnim prězviskom *Souris_ (myš v francuzskem) ili inačim, koji si vyvolite, i nagodno vygenerovanym čislom. I to je dľa mne velika škoda i je to strašno nudne!:p

Jestli uže budete mnogo igrati, možete dostati pozvanku do tzv. trajba (engl. tribe) ili jakoli hočete, klana či plemęna, kdě možete s ostatnimi členami chatovati ili hoditi do plemenovyh domov (tribehouse), kdě možųt myši sěděti na sědatkah i gaučoh, spati na posteľah, ili prosto govoriti nerušenno medžu seboj. To najlěpše na plemęnah je to, že se možete učęstniti tzv. tribewars, vojen medžu dvěma i veče plemęny. Každa myš se snaži reprezentirovati svoje plemę i voznečistiti inače plemę.

Nu, mysliu, že byh imal prěstati s pisanjem i popisovanjem sej igry! Začo ne zaidete na http://www.transformice.com i ne okusite na vlastnu kožu?

Želajų vam plno zabavy pri igrě i veselų koledų!